ҚҰТТЫҚТАУ!!!

     Абай атындағы Қазақ ұлттық педагогикалық университетінде «8D015-Жаратылыстану-ғылыми пәндері бойынша педагогтарды даярлау (6D010900/8D01501-Математика)» ба5ыты бойынша философия докторы (PhD) дәрежесін беру үшін құрылған Диссертациялық кеңесте «8D01501-Математика» білім беру бағдарламасы бойынша докторант Шадияр Еркінұлы Алтынбеков 2024 жылғы 6 наурызда «Болашақ математика мұғалімдерінің зерттеушілік дағдыларын олимпиадалық есептерді шығару негізінде қалыптастыру әдістемесі» тақырыбындағы диссертациялық жұмысын сәтті қорғауымен құттықтаймыз.

«ГЕНДЕРЛІК ТЕҢДІК – ЕЛ ӨРКЕНДЕУІНІҢ КЕПІЛІ»

ҒЫЛЫМДАҒЫ ӘЙЕЛДЕРДІҢ КӘСІБИ МЕРЕКЕСІ АТАЛЫП ӨТТІ

    11 ақпан – ғылымдағы әйелдер мен қыздардың халықаралық күні. Бүгін М.Әуезов атындағы ОҚУ-да кәсіби мереке аясында «AMANAT» партиясы Шымкент қалалық филиалының ұйымдастырумен «Гендерлік теңдік – ел өркендеуінің кепілі» атты республикалық форум өтті. Форумға «AMANAT» партиясы Шымкент қалалық филиалының төрағасы Б.Нарымбетов, Атқарушы хатшысы Ж.Бектаева қатысып, ғылым саласында еңбек етіп жүрген қыз-келіншектерді мерекемен құттықтады.

    Форумға еліміздің қоғамдық өміріне белсенді атсалысып жүрген және жетістіктерге қолжеткізген ғалымдар қатысты. Мәліметтерге сүйенсек, әлемдік ғылыми қауымдастықта әйел-ғалымдардың үлес салмағы 30 пайызға жеткен. Ал біздің елімізде, ғылыми-зерттеу және тәжірибелік-конструкторлық жұмыстарға қатысатын әйел ғалымдардың үлесі 54 пайызды құрайды, бұл 10 мыңнан астам адам. Ал олардың ғылымдағы саны жыл сайын өсіп келеді. Мәселен, 2018 жылы әйел ғылым докторлары саны 595 болса, 2023 жылы ғылым докторы атағын иемденгендер саны 714-ке көбейген.

    Форумда ғылымдағы әйелдердің бүгінгі жай-күйі мен жетістіктері айтылып, шешімін күткен мәселелерді талқыланды. Форум барысында «AMANAT» партиясы атынан ғылымдағы, қоғамдық қызметтегі ерен еңбегі үшін М.Әуезов атындағы ОҚУ-дың «Химия» кафедрасының доценті, химия ғылымдарының докторы Утелбаева Ақмарал Болысбекқызы Алғыс хатпен марапатталды.

Әріптестерімізге ақ жол!

       Шетелде кадрлар даярлау жөніндегі Республикалық комиссия отырысының 2023 жылғы 20 желтоқсандағы шешімінің  қорытындысы бойынша ғылыми тағылымдамаға үміркерлеріміз Информатика кафедрасының мамандары - п.ғ.к., доцент Жайдақбаева Л.Қ. мен т.ғ.к., қауымдастырылған профессор Кемельбекова Ж.С. «Болашақ» халықаралық стипендиясының иегерлері атанды. Мамандарымыз Ұлыбритания еліндегі Орталық Ланкашир университетінде 2024 жылдың 1 наурызынан 30 мамырға дейінгі аралықта  ғылыми тағылымдамадан өтеді. Кафедраның ардагер-ұстаздарымыз профессор Е.А.Нысанов және барлық профессор-оқытушылар құрамы  «Болашақ» халықаралық стипендиясының иегерлеріне игі-тілектерін айтып,  ыстық лебіздерін білдіріп, қазақ елінің салт-дәстүрін дәріптейтін кәде-сыйларын беріп шығарып салды.

Жайдақбаева Ляззат Қуандықовна педагогика ғылымдарының кандидаты, доцент

Кемельбекова Жанар Сатыбалдиевна техника ғылымдарының кандидаты, қауымдастырылған профессор

      Қазақстан Республикасы Ғылым және жоғары білім министрлігі Ғылым және жоғары білім саласында сапаны қамтамасыз ету комитеті төрағасының 2024 жылғы 08 ақпандағы №195 бұйрығымен «Химия» кафедрасының доценті, химия ғылымдарының докторы

Утелбаева Акмарал Болысбековнаға

10300 - Химиялық ғылымдар ғылыми бағыты бойынша қауымдастырылған профессор (доцент) ғылыми атағы берілді.