Жаңалықтар

2026 жылдың 28 сәуірінде М. Әуезов атындағы Оңтүстік Қазақстан университетінің «Ақпараттық коммуникациялық технологиялар» кафедрасында 6В06141 – «Виртуальды шындықты модельдеу және құру» мамандығы бойынша білім беру бағдарламасын сыртқы сапалық бағалаудан өткізу мақсатында ашық сабақтар мен сараптамалық кездесулер ұйымдастырылды. Шараның негізгі мақсаты – аталған бағдарламаның халықаралық және ұлттық білім беру стандарттарына сәйкестігін растау.Аккредитациялық комиссия назарына факультеттің аға оқытушысы С.С. Момбекованың жетекшілігімен «Алгоритмдеу және бағдарламалау» тақырыбындағы ашық сабақ ұсынылды. Сабақ барысында заманауи педагогикалық технологиялар мен цифрлық құралдардың интеграциясы көрсетілді. Студенттердің теориялық білімді практикалық тұрғыда жүзеге асыру деңгейі және басқа да мамандандырылған бағдарламалық жасақтамалар арқылы тексерілді.
Мамандықтың өзектілігі оқу үдерісіндегі жоғары технологиялық жабдықтармен негізделеді. Студенттер мен оқытушылар құрамы келесі құралдарды тиімді пайдалану дағдыларын көрсетті:

• VR-технологиялар: Виртуалды шындық гарнитуралары (VR-шлемдер) мен контроллерлері арқылы үш өлшемді модельдерді басқару.
• Интерактивті орта: STEM-білім берудің (Science, Technology, Engineering, Math) принциптерін қолдана отырып, инженерлік және өнер салаларын ақпараттық технологиялармен ұштастыру.
• Huawei ICT Academy: Университет базасындағы халықаралық деңгейдегі зертханалардың мүмкіндіктерін пайдалану.

Аккредитациялық комиссия мүшелері оқу аудиторияларының  жабдықталуын, оқытушылардың кәсіби құзыреттілігін және студенттердің жобалық жұмыстарын жоғары бағалады. Зерттеу нысаны ретінде цифрлық кеңістікті модельдеу, нейрожелілер мен генеративті интеллектіні (мысалы, Adobe Premiere Pro-дағы Generative Extend мүмкіндіктері) оқу жоспарына енгізу мәселелері талқыланды.Өткізілген іс-шаралардың нәтижесі бойынша 6В06141 – «Виртуальды шындықты модельдеу және құру» білім беру бағдарламасы өзінің инновациялық сипатын, техникалық базасының толықтығын және еңбек нарығындағы сұранысқа сәйкестігін дәлелдеді. Аккредитациядан сәтті өту – университеттің ақпараттық технологиялар саласындағы жоғары бәсекелестік қабілетін айқындайтын маңызды қадам болып табылады.